𝐖𝐨𝐖 𝐄𝐩𝐮𝐛 𝐊𝐟𝐱

ဗိုလ်ချုပ်မွေးနေ့ ဘယ်က စ၊ ဘယ်လိုကျင်းပခဲ့ကြသလဲ မောင်ဘိုး (မိုးမခ)ဖေဖော်ဝါရီ ၁၃၊ ၂၀၂၆ လွတ်လပ်ရေးကို အရယူပေးခဲ့တဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ မွေးနေ့ကို ဗိုလ်ချုပ်ကျဆုံးပြီး သုံးနှစ်အကြာမှ စတင်ကျင်းပဖြစ်ခဲ့ပါတယ်။ ဗိုလ်ချုပ်မရှိတဲ့နောက် ပထမဆုံးကျင်းပဖြစ်တဲ့ မွေးနေ့ဟာ အသက် ၃၅ နှစ်ပြည့်မွေးနေ့ပါ။ ၁၉၅၀ ဗိုလ်ချုပ်မွေးနေ့လုပ်ဖို့ စတင် ဆော်သြသူကတော့ ပြည်သူ့ရဲဘော်ဟောင်း တစ်ဦးဖြစ်တဲ့ ဗိုလ်သိမ်းဆွေ ပါ။ သူဟာ စမ်းချောင်း နန္ဒဝန်လမ်းမှာ " ဗိုလ်ချုပ်စာကြည့်တ်ိုက်"ကို ထူထောင်ထားပြီး စာကြည့်တိုက်အဖွဲ့ရဲ့ ဥက္ကဋ္ဌလဲဖြစ်ပါတယ်။ ပထမဆုံးဗိုလ်ချုပ်မွေးနေ့ကို ဗိုလ်ချုပ်စာကြည့်တိုက်မှာပဲ ကျင်းပခဲ့ပါတယ်။ မနက်ပိုင်းမှာ သံဃာတော်တွေကို ဆွမ်း သက်စေ့လှူဒါန်းပြီး ညနေ၅ နာရီခွဲမှာတော့ လူထုဟောပြောပွဲ ပြုလုပ်ပါတယ်။ ဒီအခမ်းအနားကို ဆရာကြီးသခင်ကိုယ်တော်မှိုင်း၊ ဒေါ်ခင်ကြည်၊ ဝန်ကြီးချုပ်ဦးနု၊ ဆမားဒူးဝါးဆင်ဝါးနောင်၊ တို့ တက်ရောက်ခဲ့ပါတယ်။ ဦးနုက မိန့်ခွန်းပြောရမှာတော့  "ဗမာရာဇဝင်မှာ ဓားမိုးပြီးမှ ညီညွတ်မှုရခဲ့ပေမဲ့ ဗိုလ်ချုပ်လက်ထက်မှာတော့ ဓားမမိုးဘဲ ညီညွတ်ရေးရခဲ့ကြောင်း”  ထည့်ပြောခဲ့ပါတယ်။ ...