𝐖𝐨𝐖 𝐄𝐩𝐮𝐛 𝐊𝐟𝐱

  နတ်ရူးတို့ကြောင်နိုင်ပေ အီကြာကွေး   မြန်မာ့လူ့အဖွဲ့အစည်းမှာ အမြစ်တွယ်နေတဲ့ ၃၇ မင်း နတ်ကိုးကွယ်မှု ဓလေ့ကို ဆရာ အီကြာကွေး က သူ့ရဲ့ "နတ်ရူးတို့ ကြောင်နိုင်ပေ" ဆိုတဲ့ စာအုပ်မှာ ထုံးစံအတိုင်း ဟာသနှောပြီး ခပ်ငေါ့ငေါ့လေး ရေးပြထားတယ်။ ဆရာက ဒီစာအုပ်မှာ နတ်တွေကို မယုံကြည်လို့ ပုတ်ခတ်တာမျိုးထက်၊ နတ်ကိုးကွယ်တဲ့သူတွေရဲ့ အယူလွဲပုံနဲ့ နတ်ဝင်သည်တွေရဲ့ လိမ်ညာလှည့်ဖြားပုံတွေကို လက်တွေ့ဆန်တဲ့ ဖြစ်ရပ်မှန်တွေနဲ့ ပေါင်းစပ် တင်ပြထားတာ ဖြစ်ပါတယ်။ စာအုပ်ထဲမှာ ဆရာ့ရဲ့ ငယ်ဘဝ ဓနုဖြူမြို့က အမှတ်တရတွေကနေ စပြီး ရန်ကုန်က နတ်ကန္နားတွေအထိ အကွက်စေ့စေ့ ဖော်ပြထားပါတယ်။, ဖတ်ရင်းနဲ့ ပြုံးစိစိ ဖြစ်သွားရတဲ့ အခန်းတွေလည်း မနည်းပါဘူး။ မီးလောင်တဲ့အခါမှာ ကိုယ်ကိုးကွယ်တဲ့ နတ်ရုပ်က ကိုယ့်အုန်းသီးတောင် ကိုယ်သယ်မပြေးနိုင်ဘဲ ပြာကျသွားတာကို "ဒါလား တန်ခိုး" လို့ မေးခွန်းထုတ်ထားတဲ့ အပိုင်းတွေက တကယ့်ကို တွေးစရာတွေပါ။ နတ်ကတော်တွေက လူတွေကို ကြောက်အောင် ဘယ်လို "ဆိုက်ကို" သုံးပြီး ခြောက်လှန့်သလဲ၊ အရောင်တွေ၊ အတီးတွေနဲ့ စိတ်ကြွအောင် ဘယ်လိုလုပ်သလဲ ဆိုတာတွေကိုလည်း ကန္နားစီး "တုတ်စာ" နဲ့ အင်တာဗျူးတဲ့ အခန်းမ...