𝐖𝐨𝐖 𝐄𝐩𝐮𝐛 𝐊𝐟𝐱

  စာရေးသူ၏အမှာစာ ထန်ဘုန်းကြီး၊ ရှီးယိုကျိနဲ့ ဝူချင်အင်း “ရှီးယိုကျိ” ခေါ် အနောက် ခရီးသွားမှတ်တမ်း ဝတ္ထုကြီးဟာ ၁၆ ရာစုနှစ် ၇ဝ စုနှစ်ပိုင်း တရုတ်ပြည် မင်မင်းဆက် အလယ်ခေတ်မှာ စာအုပ် ဖြစ်လာတယ်။ ရှီးယိုကျိ ဝတ္ထုကြီးဟာ ၎င်းရှေ့က ပေါ်ထွက်ခဲ့တဲ့ (စန်းကိုရင်ရိ) ခေါ် သုံးပြည်ထောင် ဝတ္ထုကြီး (ဆွေဟူကြွမ့်) ခေါ် ဆွေဟူ အတ္ထုပ္ပတ္တိ ဝတ္ထုကြီး၊ နောင်တွင် ပေါ်ပေါက်လာတဲ့ (လူလင်ဝိုက်စီ) ခေါ် ပညာရှိများ သမိုင်းဝတ္ထုကြီး နဲ့ (ဟုန်လိုမုန့်) ခေါ် အဆောင်နီ အိပ်မက် ဝတ္ထုကြီးတွေလိုပဲ တရုတ်ပြည် မင် မင်းဆက်၊ မန်ချူး မင်းဆက် ခေတ်ကာလက စံနမူနာ အပြုနိုင်ဆုံး၊ နာမည်အကြီးဆုံး ဝတ္ထုရှည်ကြီးများ ဖြစ်ပါတယ်။ ထန်ဘုန်းကြီး ပိဋကတ်ကျမ်း ပင့်တဲ့ကိစ္စဟာ သမိုင်း အဖြစ်အပျက်မှန်တစ်ခု ဖြစ်ပါတယ်။ ထန်နိုင်ငံမင်း ထန်ထိုက်ကျုံး (လီစစ်မင်) ကျင်းကွမ်းနှစ်များ အတွင်း (ခရစ်သက္ကရာဇ် ၆၂၇ မှ ၆၄၉ နှစ်) လူငယ်ဘုန်းကြီး ချင်ရွှင်ကျန့်ဟာ ဗုဒ္ဓဘာသာရဲ့ အခြေခံသဘောတရားကို သိလိုတာကြောင့် ထင်းကျူ (အိန္ဒိယ) နိုင်ငံကို တစ်ကိုယ်တည်းသွားပြီး ကျမ်းဂန်ပင့်တယ်။ သူဟာ ဒုက္ခဆင်းရဲ အခက်အခဲပေါင်းများစွာ ကျော်ဖြတ်ပြီး စုစုပေါင်း အချိန်အားဖြင့် ၁၇ နှစ်ကြာခဲ့တယ်။ အသ...