𝐖𝐨𝐖 𝐄𝐩𝐮𝐛 𝐊𝐟𝐱

စစ်နှင့်ငြိမ်းချမ်းရေး အရှူပ်တော်ပုံ ၁၊ တော်စတွိုင်းသည် စစ်နှင့်ငြိမ်းချမ်းရေးဝတ္တုကြီးကို လွန်ခဲ့သော နှစ်ပေါင်းတရာငါးဆယ်အတိ (၁၈၆၉) ခုနှစ်က ရေးသားထုတ်ဝေခဲ့သည်၊ ကျနော်တို့ဆီမှာတော့ မြသန်းတင့်က ၁၉၆၅ ခုနှစ်တွင် ဘာသာပြန်ဆိုကာ ရေးသားထုတ်ဝေခဲ့သည်၊ မူရင်းစာရေးဆရာ တော်စတွိုင်း ရေးသားပြီး အနှစ်တရာဝန်းကျင် နီးပါးကြာတော့မှ ကျနော်တို့ဆီတွင် ဘာသာပြန်ဆိုခြင်းဖြစ်သည်၊ တော်စတွိုင်းသည် အသက် ၃၅ နှစ်အရွယ်တွင် စစ်နှင့်ငြိမ်းချမ်းရေးဝတ္တုကြီးကို ငါးနှစ်တိုင်တိုင် ဖျက်လိုက်ပြင်လိုက်နှင့် ကြိုစားရေးသားခဲ့သည်၊ မြသန်းတင့်သည်လည်းပဲ တော်စတွိုင်းကဲ့သို့ပင် စစ်နှင့်ငြိမ်းချမ်းရေး ဝတ္တုကြီးကို ဘာသာပြန်စဉ် အသက်အရွယ်အားဖြင့် ၃၅ ဝန်းကျင် အရွယ်ကောင်းပင် ဖြစ်သည်၊ ဘာသာပြန်ဆရာ မြသန်းတင့်ကတော့ စစ်နှင့်ငြိမ်းချမ်းရေးဝတ္တုကြီးကို ၈ နှစ်လေးလ မျှကြာအောင် အပတ်တကုတ် ဘာသာပြန်ဆို သွားခဲ့သည်၊ မူရင်းစာရေးဆရာရော ဘာသာပြန်စာရေးဆရာရော နှစ်ဦးစလုံးတို့၏ ကြိုးစားအားထုတ်မူသည် ချီးကျူးဂုဏ်ပြု စံနမူနာယူစရာပင်ဖြစ်သည်၊ စစ်နှင့်ငြိမ်းချမ်းရေးဝတ္တုကြီးကို မူရင်းရုရှားဘာသာဖြင့် ၁၈၆၈မှသည် ၁၈၆၉ ခုနှစ်အထိ တနှစ်တိတိကြာအောင် အတွဲပေါင်းခြောက်တွဲမျှ ခွဲက...