𝐖𝐨𝐖 𝐄𝐩𝐮𝐛 𝐊𝐟𝐱

အပွေးကုန်ခါနီး ဖြစ်သော သနပ်ခါးတုံးလေးကို ကြည့်ရင်း အေးမာ နှမြောနေမိသည်။ မြင်းခြံမှ အဒေါ် လာစဉ်က လက်ဆောင် ပေးသွားသော သနပ်ခါးတုံးလေး ဖြစ်သည်။ အပွေးရင့်ရင့် ရနံ့မွှေးမွှေးမို့ အေးမာတို့တစ်တွေ အမြတ်တနိုး လိမ်းခဲ့ရသည်။ အခုတော့ ကုန်ခါနီးပြီ။ “သနပ်ခါးတွေကလည်း တစ်နေ့တခြား ရှားလာကုန်ပြီ၊ တစ်မိုက်လောက် အတုံးလေးတွေကိုတောင် ဆယ့်ရှစ်ကျပ်တဲ့” အေးမာက သနပ်ခါးတုံးကို ကျောက်ပျဉ်ပေါ် တင်ကာ ဖွဖွလေး သွေးသည်။ ဖိပြီး သွေးလိုက်လျှင် အပေါ်ယံ အပွေးများ မြန်မြန်ကုန်သွားမည် စိုးသောကြောင့် ဖြစ်သည်။ အေးမာတို့ အိမ်မှာက မိန်းမ အင်အားစု များသည်။ အမေကလည်း အေးမာတို့ မောင်နှမ လေးယောက်တွင် ယောက်ျားလေး တစ်ဦးသာ ရှားရှားပါးပါး ထည့်မွေးထားသည်။ ဒီတော့ အေးမာတို့ သားအမိချည်း လေးယောက် အေးမာတို့နှင့် အတူ ငယ်စဉ်ကတည်းက နေလာသော ဝမ်းကွဲအစ်မက တစ်ယောက်၊ မိသားစု ခြောက်ဦးနေသော အိမ်တွင် မိန်းမဦးရေက ငါးဦး ဖြစ်လေသည်။ သို့သော် သနပ်ခါး လိမ်းသော ဦးရေကတော့ ခြောက်ဦးစလုံးပင် ဖြစ်သည်။ “ဒီခေတ် ယောက်ျားလေးတွေများ ကြည့်လို့ကို မရဘူး” ညအိပ်ရာ ဝင်ခါနီးလျှင် သနပ်ခါးကို တဂျစ်ဂျစ် သွေးပြီး ဖွေးနေအောင် လူးတတ်သော မောင်ဖြစ်သူကို သတိရတော့ အေးမာသည် ...

ဖေ့ ရုံးခန်းထဲမှာ မိန်းမတစ်ယောက် တွေ့ခဲ့တယ်” ဟု သားလတ်က ပြောတော့ သမီးကြီးက ဝတ္ထု အဖတ်ပင် မပျက်ချေ။ သမီးငယ်ကမူ သူ့ ဘိုမရုပ်ကလေးကို အင်္ကျီလှလှ ပြောင်းလဲ ဝတ်ဆင်ပေးရင်း “အဲဒါ ဘာဖြစ်လဲ” ဟု ပြောသည်။ သူတို့၏ ဖခင်သည် စီးပွါးရေးအရ အလွန် အောင်မြင်နေသော ကုမ္ပဏီတစ်ခု၏ ပိုင်ရှင်ဖြစ်သည်။ ထို့ကြောင့် ဖေဖေ့ရုံးခန်းတွင် သွားကြ၊ လာကြ၊ ဝင်ကြ၊ ထွက်ကြနှင့် လူစဲသည်ဟူ၍ မရှိလှ။ ထိုကဲ့သို့သော ရုံးခန်းတွင် မိန်းမ တစ်ယောက်မက တစ်ဒါဇင်ပင် တွေ့ဦးတော့ ဆန်းကျယ်သည့် ကိစ္စ မဟုတ်ပေ။  “အမျိုးသမီး ပုံစံက အပူစား အပြင်းစားဟ သိရဲ့လား”  အသက် တစ်ဆယ့်ငါးနှစ် ရှိပြီဖြစ်သော သားလတ်သည် အမျိုးသမီးကို အတော်လေး စိတ်ဝင်စား တတ်နေပြီ ဖြစ်သည်။ မိန်းမတို့၏ အလှ အမျိုးမျိုး သဘာဝ အမျိုးမျိုး ကိုလည်း ကောင်းစွာ အကဲဖမ်း တတ်နေပြီ ဖြစ်လေသည်။  “နာမည်က ခိုင်နွဲ့ခိုင် တဲ့”  “နာမည်က လှတယ်ဟ၊ လူရော လှလား”  “လှ မလှတော့ မသိဘူး၊ ငါတို့အဖေ ကတော့ သွားကြီးကို ဖြီးလို့”  “ဟဲ့ ... သားလတ် နင်ကလဲ”  သမီးကြီးက လက်ထဲမှ မဂ္ဂဇင်းကို ပိတ်ပြီး သားလတ်ကို လှမ်းဟန့်သည်။  “နင် ဖေဖေ့ကို အဲဒီလို မပြောနဲ့လေ”  သူတို့ ဖေဖေ...