𝐖𝐨𝐖 𝐄𝐩𝐮𝐛 𝐊𝐟𝐱

  မိုးကျော်ဇင်ရဲ့ "ငါးဖမ်းသမား" ဝတ္ထုရှည်ဟာ ၂၀၁၉ ခုနှစ် အမျိုးသားစာပေ (ဝတ္ထုရှည်) ဆုရရှိခဲ့တဲ့ စာအုပ်တစ်အုပ်ဖြစ်ပြီး၊ ခက်ခဲကြမ်းတမ်းတဲ့ ပင်လယ်ပြင်မှာ ငါးဖမ်းသင်္ဘောသားဘဝနဲ့ ရှင်သန်ခဲ့ကြရတဲ့ လူတစ်စုရဲ့ ဘဝပုံရိပ်ကို ပေါ်လွင်အောင် ရေးဖွဲ့ထားပါတယ်။ စာအုပ်လေးက #Basedontruestory လို့ ဆရာကပြောထားတယ်။ ဆရာကိုယ့်တိုင်ကလဲ သင်္ဘောသားတယောက်ဆိုတော့ သေသေချာချောပိုင်နိုင်စွာရေးဖွဲ့ထားတယ်။ စာအုပ်လေးက စဖတ်ကထဲက တော်တော် ဆွဲဆောင်မှုရှိလှတယ်။ ငါးဖမ်းသင်္ဘောသားတွေရဲ့ ခက်ခဲကြမ်းတမ်းမှု၊ ပင်လယ်ပြင်မှာ သူတို့ခံစားရတဲ့ ဖိနှိပ်မှုတွေ၊ အေးဂျင့်တွေရဲ့ လိမ်ညာမှုတွေနဲ့ တိုင်းတပါးသားတွေရဲ့ အနိုင်ကျင့်မှုတွေကို ပီပြင်စွာ တင်ပြထားပါတယ်။ စာဖတ်သူကို ထိုဘဝထဲ ရောက်ရှိသွားသလို ခံစားရစေပါတယ်။ မြန်မာလူ့အဖွဲ့အစည်းက ကြုံတွေ့နေရတဲ့ အလုပ်အကိုင် အခွင့်အလမ်းရှားပါးမှု၊ ပွဲစားတွေရဲ့ စနစ်၊ အိုဗာစတေး (Overstay) ပြဿနာတွေ၊ သင်္ဘောပေါ်က လခမရရှိမှု စတဲ့ အရေးပါတဲ့ လူမှုရေးပြဿနာတွေကို မီးမောင်းထိုးပြထားနိုင်ပါတယ်။ စာအုပ်ထဲက စာသားလေးတစ်ခုလိုပေါ့ … “ရေထု၊မြေထု စတဲ့ ကမ္ဘာလောကထဲက သက်ရှိ သက်မဲ့ဟူသမျှကို ဘုရားသခင် ဖန်ဆင်းခဲ့တယ်လို့ မှတ်...

 ၂၀၁၉ ခုနှစ် အမျိုးသားစာပေ ဝတ္ထုရှည်ဆုကိုရရှိထားတဲ့ ဒီစာအုပ်ဟာ ဝေဒနာတွေ အကြောင်း၊ နေ့စဉ်ဘဝထဲက ကျွန်တော်တို့ မကြားနိုင်တဲ့ အော်သံတွေအကြောင်း ဖြစ်ပါတယ်။ အဲဒီအော်သံ အဲဒီဝေဒနာတွေမှာ ဘဝတွေ၊ လူသားဖြစ်တည်မှုတွေ၊ နိုင်ငံရဲ့စီးပွားရေး၊ လူမှုရေး အဆင့်အတန်း  တွေကလည်း ထင်ဟပ်လို့ပါပဲ။   အဲဒီဝေဒနာ အကြောင်းကို ခံစားသိမြင်လွယ်တဲ့ ကလောင် တစ်ချောင်းက ဖန်တီးပုံဖော် လိုက်တဲ့အခါ ဝေဒနာဟာ အများကြား သိလာပါတယ်။ အဲဒီဝေဒနာကို ကြားသိခံစားခွင့်၊ ငြိတွယ်ခွင့်၊ ဒဏ်ရာတွေကို မျှဝေခံစားနိုင်ခွင့်ရသွားပါတယ်။   အနာဖေးတက်နေတဲ့ ဒဏ်ရာတွေကို ကုတ်ခြစ်ပြရင်း အော်သံတွေ အကြောင်း ပြောပြ သွားမယ့် ဇာတ်ကောင်က မြန်မာနိုင်ငံရဲ့ ဘွဲ့ရပညာတတ်လို့နာမည်ခံထားရတဲ့ မျိုးကိုကို။ ဘွဲ့လက်မှတ်ကိုင်ထားရင်းနဲ့မှ ဆယ်နှစ်ကျော်အရွယ် ကောင်လေးတစ်ယောက်သာ ရှိတဲ့ အရက်ဆိုင် လေးကို မန်နေဂျာလုပ်ရင်း ကိုယ့်ဘဝအတွက် မေးခွန်းတွေကို မရေရာမသေချာ အဖြေရှာနေရတဲ့ လူငယ်တစ်ယောက်။   ဒီလူငယ်တစ်ယောက်ရဲ့ သင်္ဘောတက်ဖို့ အိပ်မက်မှာ ကြေးက ကြီးလွန်းလှကြောင်း သူ့ဘဝ၊ သူ့ဝန်းကျင်၊ သူ့ခံစားချက်တွေနဲ့ သူ့နိုင်ငံက ကိုယ်စားပြုပြောပေးထာ...