𝐖𝐨𝐖 𝐄𝐩𝐮𝐛 𝐊𝐟𝐱

  စုဆောင်းပြန်ဆိုသူ၏ အမှာစကား   သြဒပ်ဟပ်စလီ (ALDOUS HUXLEY) အမည်ရှိ စာရေးဆရာကြီးက “အတွေးအခေါ်မရှိသူ မရှိ” ဟု ပြောကြားဖူးသည်။ လူတွင် ရုပ်ခန္ဓာကိုယ်ကြီးအပြင် စိတ်လည်းရှိသည်။ စိတ်၏ အလုပ်တစ်ခုမှာ တွေးခေါ်ခြင်းဖြစ်၏။ တွေးခေါ်ခြင်း ဟူရာ၌ ကြံစည် စဉ်းစားခြင်း၊ ဆင်ခြင်ဝေဖန်ခြင်း၊ မျှော်ခေါ် တွက်ဆခြင်း၊ ပြန်လည်သုံးသပ်ခြင်း၊ ခွဲခြမ်းစိတ်ဖြာခြင်း၊ ခြုံငုံခြင်း အစရှိသည့် အလုပ်တို့ ပါဝင်သည်။ လူသည် သက်ဝင်လှုပ်ရှားနေသရွေ့ တွေးခေါ်နေရသည်။ တွေးခေါ်ပြီးမှသာ ယင်း အတွေးအခေါ်၏ ဦးဆောင်မှုအတိုင်း ပြောဆို လုပ်ကိုင်ရသည်။ အကောင်အထည်ဖေါ် ဆောင်ရွက်ရသည်။ ယင်းသို့ တွေးခေါ်ရာ၌ သတိရှိရှိ တွေးခေါ်ခြင်းကား ဟုတ်ချင်မှဟုတ်မည်။ စနစ်ကျချင်မှလည်း ကျမည်။ ခြေခြေမြစ်မြစ် ခံယူထားသည့် အတွေးအခေါ်မျိုး မဟုတ်သဖြင့် ဟိုခုန်သည်ကူး ဟိုရောက်သည်ရောက် ပြောက်သောက်လည်း ဖြစ်ချင်ဖြစ်မည်။ မည်သို့ဖြစ်စေ တွေးခေါ်မှုနှင့်ကား ကင်း၍မရ။ အတွေးအခေါ်မရှိဘဲ ရှင်သန်လှုပ်ရှား၍ မရနိုင်။ လူသည် အချိန်နှင့်အမျှ ပြဿနာမျိုးစုံနှင့် ရင်ဆိုင်နေရသည်။ စားဝတ်နေရေး ဟူသည် အခြေခံ ပြဿနာများမှအစ နိုင်ငံရေး၊ စီးပွားရေး၊ ပညာရေး၊ ဘာသာရေးအဆုံး အရေးကိစ္စများ၏ စိန်ခေ...

ဒဿနစာပေ လောကမှာ "ဖြစ်တည်မှုဝါဒ" (Existentialism) ဆိုတဲ့ စကားလုံးကို မကြာခဏ ကြားဖူးကြပါလိမ့်မယ်။ ဒီစာအုပ်ကတော့ ၂၀ ရာစုရဲ့ အကျော်ကြားဆုံး ပြင်သစ်ဒဿနပညာရှင် ယန်းပေါဆတ် (Jean-Paul Sartre) ရဲ့ ဖြစ်တည်မှုဝါဒအကြောင်းကို အခြေခံအကျဆုံးနဲ့ အရှင်းလင်းဆုံး မိတ်ဆက်ပေးထားတဲ့ စာအုပ်တစ်အုပ်ပါ။ ဆရာမောင်သာမညက ယန်းပေါဆတ်ရဲ့ နာမည်ကျော် ဟောပြောချက် "Existentialism Is a Humanism" နဲ့ Playboy မဂ္ဂဇင်းက အင်တာဗျူးတို့ကို ပေါင်းစပ်ပြီး ဘာသာပြန်ပေးထားပါတယ်။ ၁။ "ဖြစ်တည်မှုသည် အနှစ်သာရထက် အရင်ကျသည်" စာအုပ်ရဲ့ အဓိက ဗဟိုချက်ကတော့ ဒီစကားစုပါပဲ။ ယန်းပေါဆတ်က ဥပမာတစ်ခုနဲ့ ရှင်းပြပါတယ်။ မောင်းချဓား (Paper knife) တစ်ချောင်းကို မလုပ်ခင်မှာ ဒီဓားကို ဘာအတွက်သုံးမယ်၊ ဘယ်လိုလုပ်မယ်ဆိုတဲ့ အနှစ်သာရ (Essence) က ကြိုရှိပြီးသားပါ ။ ဒါပေမဲ့ လူမှာတော့ အဲဒီလို မဟုတ်ပါဘူး။ လူကို ဖန်တီးတဲ့ ဘုရားသခင် (Creator) မရှိဘူးလို့ ယူဆတဲ့အတွက် လူကို ဘယ်လိုပုံစံဖြစ်ရမယ်လို့ ကြိုတင်သတ်မှတ်ထားတဲ့ "လူ့သဘာဝ" ဆိုတာ မရှိပါဘူး ။ လူဟာ အရင်ဆုံး ဖြစ်တည်လာတယ်၊ ပြီးမှ ကိုယ့်ကိုယ်ကိုယ် ဘာကောင်လဲဆိုတာ သတ်မှတ်တယ်လို့ ဆိုလို...