𝐖𝐨𝐖 𝐄𝐩𝐮𝐛 𝐊𝐟𝐱

  နတ်ရူးတို့ကြောင်နိုင်ပေ အီကြာကွေး   မြန်မာ့လူ့အဖွဲ့အစည်းမှာ အမြစ်တွယ်နေတဲ့ ၃၇ မင်း နတ်ကိုးကွယ်မှု ဓလေ့ကို ဆရာ အီကြာကွေး က သူ့ရဲ့ "နတ်ရူးတို့ ကြောင်နိုင်ပေ" ဆိုတဲ့ စာအုပ်မှာ ထုံးစံအတိုင်း ဟာသနှောပြီး ခပ်ငေါ့ငေါ့လေး ရေးပြထားတယ်။ ဆရာက ဒီစာအုပ်မှာ နတ်တွေကို မယုံကြည်လို့ ပုတ်ခတ်တာမျိုးထက်၊ နတ်ကိုးကွယ်တဲ့သူတွေရဲ့ အယူလွဲပုံနဲ့ နတ်ဝင်သည်တွေရဲ့ လိမ်ညာလှည့်ဖြားပုံတွေကို လက်တွေ့ဆန်တဲ့ ဖြစ်ရပ်မှန်တွေနဲ့ ပေါင်းစပ် တင်ပြထားတာ ဖြစ်ပါတယ်။ စာအုပ်ထဲမှာ ဆရာ့ရဲ့ ငယ်ဘဝ ဓနုဖြူမြို့က အမှတ်တရတွေကနေ စပြီး ရန်ကုန်က နတ်ကန္နားတွေအထိ အကွက်စေ့စေ့ ဖော်ပြထားပါတယ်။, ဖတ်ရင်းနဲ့ ပြုံးစိစိ ဖြစ်သွားရတဲ့ အခန်းတွေလည်း မနည်းပါဘူး။ မီးလောင်တဲ့အခါမှာ ကိုယ်ကိုးကွယ်တဲ့ နတ်ရုပ်က ကိုယ့်အုန်းသီးတောင် ကိုယ်သယ်မပြေးနိုင်ဘဲ ပြာကျသွားတာကို "ဒါလား တန်ခိုး" လို့ မေးခွန်းထုတ်ထားတဲ့ အပိုင်းတွေက တကယ့်ကို တွေးစရာတွေပါ။ နတ်ကတော်တွေက လူတွေကို ကြောက်အောင် ဘယ်လို "ဆိုက်ကို" သုံးပြီး ခြောက်လှန့်သလဲ၊ အရောင်တွေ၊ အတီးတွေနဲ့ စိတ်ကြွအောင် ဘယ်လိုလုပ်သလဲ ဆိုတာတွေကိုလည်း ကန္နားစီး "တုတ်စာ" နဲ့ အင်တာဗျူးတဲ့ အခန်းမ...

  “ရယ်မောခြင်းပေါင်းချုပ်” မင်းလူ   ဆရာမင်းလူရဲ့ “ရယ်မောခြင်းပေါင်းချုပ်” စာအုပ်ဟာ တကယ်တော့ ကျွန်တော်တို့ပတ်ဝန်းကျင်က လူတွေအကြောင်းကို ဟာသမျက်မှန်တပ်ပြီး ကြည့်ထားသလိုပါပဲ။ ‘ဌ’ ရပ်ကွက်နဲ့ ‘ဍ’ ရပ်ကွက်ဆိုတဲ့ ကပ်လျက်ရပ်ကွက်နှစ်ခုမှာ ဖြစ်ပျက်တတ်တဲ့ လူစုံ၊ စရိုက်စုံ အကြောင်းကို ဟာသနှောပြီး ရေးဖွဲ့ထားတာ တွေ့ရပါတယ်။ ဇာတ်လမ်းတွေက ဖတ်နေရင်းနဲ့ ကိုယ့်ဘေးအိမ်က လူတွေအကြောင်း ကြားနေရသလိုမျိုး ရင်းရင်းနှီးနှီး ရှိလှပါတယ်။ စာအုပ်ထဲက ဇာတ်ကောင်တွေဖြစ်တဲ့ ကိုကြီးငွေ၊ ကိုစာကလေး၊ မောင်ဝ၊ ရွှေကြည်၊ ဉာဏ်စိန် စတဲ့သူတွေဟာ ကျွန်တော်တို့ လက်ဖက်ရည်ဆိုင်သွားရင်ဖြစ်ဖြစ်၊ လမ်းထိပ်ထွက်ရင်ဖြစ်ဖြစ် အမြဲတွေ့နေရမယ့် လူမျိုးတွေပါပဲ။ နေရာတကာ သိပ္ပံနည်းကျသလိုလို၊ နည်းပညာဆန်သလိုလိုနဲ့ တတ်ယောင်ကားလုပ်ချင်တဲ့ ကိုကြီးငွေ နဲ့ သူ့ရဲ့ ငယ်နိုင်ပြိုင်ဘက် ကိုစာကလေး၊ သူတို့နှစ်ယောက်ဟာ ငယ်စဉ်ကတည်းက စာခိုးချတာကအစ၊ အချစ်ရေးကိစ္စနဲ့ ဘောလုံးပွဲတွေအထိ တစ်ယောက်ကိုတစ်ယောက် အလျော့မပေးဘဲ အမြဲတိုက်ခိုက်နေကြတာက လူ့သဘာဝရဲ့ မာနနဲ့ အားပြိုင်မှုကို ပေါ်လွင်စေပါတယ်။ အထူးသဖြင့် ကိုကြီးငွေက ဘုရားဂေါပကလုပ်ချင်လို့ မဲဆွယ်တဲ့အခါ အမေရိကန်သမ္မတတွေလိ...