𝐖𝐨𝐖 𝐄𝐩𝐮𝐛 𝐊𝐟𝐱

"မီဆိုဟင်းချို" - သင့်လူ ရှင်ဂျူကုရဲ့ ညမီးရောင်စုံအောက်မှာ မီဆိုဟင်းချိုနံ့ သင်းနေပေမဲ့ ခံစားချက်ကတော့ အေးစိမ့်စိမ့်နဲ့ ကျောချမ်းစရာ...။   ဂျပန်စာရေးဆရာ (Ryu Murakami) ရေးပြီး ဆရာသင့်လူ ဘာသာပြန်ထားတဲ့  “မီဆိုဟင်းချို”  ကို ဖတ်ပြီးသွားတော့ စိတ်ထဲမှာ တနုံ့နုံ့ကျန်ခဲ့တာ တစ်ခုရှိတယ်။ အဲ့ဒါက လူ့စိတ်ရဲ့ အမှောင်ဘက်ခြမ်းဟာ ငါတို့ထင်ထားတာထက် ပိုပြီး နက်ရှိုင်း၊ ပိုပြီးတော့လည်း သွေးအေးနိုင်တယ်ဆိုတာပါပဲ။  ဇာတ်လမ်းက ရိုးရိုးလေးပဲ စတာ။ တိုကျိုရဲ့ ညဖက်ဖျော်ဖြေရေးလောကမှာ ဧည့်လမ်းညွှန်လုပ်တဲ့ ကင်ဂျီဆီကို အမေရိကန်လူမျိုး ဖရန့်ခ် ရောက်လာတယ်။ သုံးညတာ အဖော်လုပ်ပေးဖို့ ငှားတာဆိုပေမဲ့ ဖရန့်ခ်ရဲ့ အပြုအမူတွေက ပထမညကတည်းက တစ်ခုခု လွဲနေသလိုပဲ။ သူ့ရဲ့ အသားအရေက အတုကြီးလို ဖြစ်နေတာမျိုး၊ စကားပြောပုံက ပုံမှန်မဟုတ်တာမျိုးတွေက ဖတ်နေရင်းနဲ့ "ဒီလူ ဘာလဲ" ဆိုတဲ့ သံသယကို တိုးလာစေတယ်။  အဲဒီအချိန်မှာပဲ မြို့ထဲမှာ အထက်တန်းကျောင်းသူလေးတစ်ယောက် အပိုင်းပိုင်း ခုတ်ထစ်သတ်ဖြတ်ခံရတဲ့ သတင်းက ထွက်လာတယ်။ ဖရန့်ခ်ရဲ့ ထူးဆန်းတဲ့ အမူအရာတွေနဲ့ ဒီလူသတ်မှုကြားမှာ ဘာတွေဆက်စပ်နေမလဲဆိုတာ ခန်းဂျီးတစ်ယောက် ဝေခွဲမရဖြစ်ရ...