𝐖𝐨𝐖 𝐄𝐩𝐮𝐛 𝐊𝐟𝐱

ဂျိမ်း ဂျွိုက်(စ်) ၏ ဝတ္ထုတိုများ   ရာပြည့်စာအုပ်တိုက် အမှတ် ၃၈၊ ၁ဝ၉ လမ်း၊ မင်္ဂလာတောင်ညွန့်၊ ရန်ကုန်မြို့။ ဖုန်း။ ၀၁-၂၉၆၆၇၁(အိမ်)၊ ၂၅၂၇၉၈(ဆိုင်) [၁၊ ဒီဇင်ဘာ ၊ ၁၉၉၉] ဂျိမ်း ဂျွိုက်(စ်) [James Joyce] ၏ ဒဗ္ဗလင်မြို့သားများ [Dubliners] တွင် ပါရှိသည့် ဝတ္ထုတို ၁၅ ပုဒ် အနက် ၈ ပုဒ် ကို စုစည်းထားခြင်းသာ ဖြစ်ပါသည်။     လေးကိုတင် နှင့် ရာပြည့် ဦးစိုးညွန့် စုစည်းသည်။   စာမူ ခွင့်ပြုချက်အမှတ် [၃၉၉ / ၉၉ ( ၄ )] မျက်နှာဖုံး ခွင့်ပြုချက်အမှတ် [၆၇၇ / ၉၉ ( ၁ဝ )] ■ ပုံနှိပ်ခြင်း ပထမ အကြိမ်  (၁၊ ဒီဇင်ဘာ၊ ၁၉၉၉) အုပ်ရေ  [၁၀၀၀] ■ မျက်နှာဖုံးရိုက် ဦးမြသိန်း [ဝ၁၄၂၇]၊ သိန်းမြင့်ဝင်း အော့ဖ်ဆက် အမှတ် ၉၆၊ ၁၁ လမ်း၊ ရန်ကုန်မြို့။ ■ ပုံနှိပ်သူ ဦးတင်မောင်ဝင်း [၀၅၉၄၆]၊ သင်းလဲ့ဝင်း ပုံနှိပ်တိုက် အမှတ် ၁၊ ဗိုလ်ရာညွန့်လမ်း၊ ယောမင်းကြီးရပ်ကွက် ဒဂုံမြို့နယ်၊ ရန်ကုန်မြို့။ ■ ထုတ်ဝေသူ ဦးလှကြိုင်[ဝ၂၃၃]၊ လောကစာပေ အမှတ် ၃၊ ငါးထပ်ကြီးဘုရားလမ်း၊ ဗဟန်း၊ ရန်ကုန်မြို့။ ■ စာအုပ်ချုပ် ကိုမြင့် ■ မျက်နှာဖုံး ပန်းချီ Jacques-Emile Blanche & Hal Siegel တို့၏ ပုံများကို a.k.s. ဒီဇိုင်း ပြုလုပ်သည်။ ■ တန်ဖို...

  တိုင်းမဂ္ဂဇင်း (၈ ဇွန် ၁၉၉၈) ၏ လက်ရာ သင်္ခါရ THE DEAD မြတ်သစ် ဘဏ္ဍာစိုးသမီး လီလီခမျာ စာဖွဲ့တင်စားခြင်း မဟုတ်၊ တကယ်ကို ခြေထောက်နှင့် ကြမ်းပြင် မထိဘဲ ပြေးလွှား နေရသည်။ မြေညီထပ်ရှိ ဧည့်ခန်းသို့ ဧည့်သည်အား ခရီးဦးကြို ပြုပြီးသည်နှင့် ဧည့်သည်၏ အပေါ်ဝတ်ကုတ်အင်္ကျီ ကူချွတ်ပေးနေစဉ်မှာပင်၊ တံခါးဝမှ ခေါင်းလောင်းသံ ထွက်ပေါ်လာ ပြန်သဖြင့် နောက်ထပ် ရောက်လာသည့် ဧည့်သည်ကို ခရီး ဦးကြိုပြုရန် လူရှင်းလျက်ရှိသော စင်္ကြံအတိုင်း ခြေကုန်သုတ် ရပြန်သည်။ တစ်ခု သူ့အဖို့ သက်သာရာ ရစေသည်က ကြေးရတတ် လူကုံထံ အမျိုးသမီးများအား ဧည့်ခံခြင်း မပြု ရတာပါပဲ။ မစ္စကိတ်သည် လည်းကောင်း၊ မစ္စ ဂျူလီယာ သည် လည်းကောင်း ထိုအရေးကို ကြိုတင်တွေးမိပြီး အိမ် အပေါ်ထပ်ရှိ ရေချိုးခန်းကို အမျိုးသမီးများ အဝတ်အစား လဲခန်းအဖြစ် ပြောင်းလဲထားပြီး ဖြစ်သည်။ မစ္စကိတ်နှင့် မစ္စဂျူလီယာတို့ နှစ်ယောက် ထိုအခန်းထဲမှာ ရှိနေကြ၏။ နှစ်ယောက်သား တွတ်ထိုးလျက်၊ ရယ်မောလျက်၊ စိတ် ဂနာမငြိမ် ဖြစ်လျက်။ တစ်ယောက်နှင့် တစ်ယောက် ရှေ့ဆင့် နောက်ဆင့်ဆိုသလို လှေကားထိပ် ရောက်လာကြသည်။ လှေကားထိပ် လက်ရန်းမှ နေ၍ အောက်ဘက် ငုံ့ကြည့်ကာ လီလီ အမည် အော်ခေါ်ပြီး ဘယ်သူဘယ်ဝါ ရောက်လာပြီလဲ ...