𝐖𝐨𝐖 𝐄𝐩𝐮𝐛 𝐊𝐟𝐱

  ဖယောင်းတိုင်ည - ဝင်းဖေ စွမ်းအင် ပြတ်တောက်သွားလို့ အလုပ် ရပ်ထား ကြရတယ်။ ပန်ကာတွေ ရပ်၊ လေအေးစက်တွေလည်း ရပ်၊ ခဏနေတော့ အခန်းထဲမှာ သိပ်ပူအိုက် လာတယ်။ အဲသည်တော့ တံခါးတွေ အကုန်ဖွင့်ရပြီ။ မှောင်စပျိုးပြီ။  အခန်းထဲမှာ သည်အတိုင်း ဆက်ထိုင် နေကြလို့ မဖြစ်တော့ဘူး။ ဖယောင်းတိုင်တွေ ထွန်းကြရတယ်။  အပြင်က ခြင်တွေ ဝင်လာတယ်။  တံခါးတွေ ပိတ်တော့ လေမဝင်။  လေဝင်အောင် တံခါးတွေ ဖွင့်တော့ လေဝင်တာက တော်တော်ရယ်။ ခြင်တွေ ဝင်လာတာက ပိုများတယ်။  များတော့ ဘာဖြစ်လဲ၊ တဖျပ်ဖျပ်နဲ့ ရိုက်ကြပေါ့။ ဒါ လုပ်နေကျပဲ။  ပူအိုက်ပြီး ခြင်ကိုက်နေတဲ့ အချိန်မှာ အပျင်းပြေ ထွေရာလေးပါး လျှောက်ပြော ကြဖို့တောင် တော်တော် ခက်တယ်။ ဒါပေမဲ့ တခြား လုပ်စရာမှ မရှိဘဲ။ တယောက် တပေါက် လျှောက်ပြော ကြတာပါပဲ။  အဆိုတော် ညီအစ်မ နှစ်ယောက်က လွဲလို့ အခန်းထဲမှာ အားလုံး ယောက်ျားချည်းပဲ။ မိန်းကလေးတွေ ရှေ့မှာ ယောက်ျားတွေဟာ အနည်းအများ ရယ်စရာ ကောင်းတယ်။ တခုတော့ ရှိတယ်၊ မိန်းကလေး အုပ်စုထဲမှာ ယောက်ျား တယောက် နှစ်ယောက် (ဆွေမတော် မျိုးမစပ်) ရှိနေရင်လည်း သည်လိုပါပဲ။  “ကော်ဖီမစ်(က)(စ) တွေတော့ ပါတယ်၊ သောက်ကြမလား”  အဆိုတော် ည...

အမှာစာ ၁၉၉၇ ခုနှစ်မှာ အမေရိကန်ပြည်ထောင်စုရဲ့ မြို့တော်ဖြစ်တဲ့ ဝါရှင်တန်ဒီစီမှာ ဘာစသလဲ ဆိုတော့ Radio Free Asia လို့ ခေါ်တဲ့ လွတ်လပ်သော အာရှရေဒီယို မြန်မာပိုင်းအစီအစဉ် ဆိုတာလည်း ထည့်ပြီးတော့ စတင် တည်ထောင်တယ်။ တည်ထောင်တဲ့ အထဲမှာ ဝင်းဖေက တစ်ယောက်အဖြစ် ပါဝင်တယ်။ အဲဒီ ၁၉၉၇ ခုနှစ်က စပြီး တည်ထောင်လိုက်ပြီးတော့ Radio Free Asia Burmese Service ဆိုတဲ့ လွတ်လပ်သော အာရှအသံ မြန်မာပိုင်း အစီအစဉ်မှာ အမှုထမ်းလိုက်တာ ၂ဝဝ၅ ခုနှစ် ကျတော့မှ အနား ယူတယ်။ အဲ့တော့ အဲဒီလို Radio Free Asia ဆိုတဲ့ ရေဒီယိုမှာ အားလုံးပေါင်း ဘယ်လောက်ကြာသလဲဆိုတော့ ၇ နှစ်၊ ၈ နှစ် လောက် ကြာတာပေါ့လေ။ အဲဒီမှာ ဘာလုပ်တုံးလို့ဆိုတော့ ဝင်းဖေ က Senior Editor အဖြစ် အမှုထမ်းရတယ်။ ဝင်ကတည်းက အဲ့လိုပဲ စပြီး အမှုထမ်းရတယ်။ ဝင်းဖေက သတင်းတွေ လိုက်တာထက် ရေဒီယိုဆောင်းပါးတွေ၊ ပင်တိုင်ဆောင်းပါးတွေနဲ့ ပတ်သက် ပြီးတော့ တာဝန်ယူရတာ များပါတယ်။ ကျန်တာကတော့ သတင်းအစီအစဉ် ဒီ့ပြင်အစီအစဉ်နဲ့ ပတ်သက်ပြီးတော့ အယ်ဒီတာ လုပ်ရတယ်။ အဲ့ဒီမှာ ၇ နှစ်၊ ၈ နှစ်လောက်ကြာတယ်။ အဲ့ဒါပြီးတော့ ၂ဝဝ၅ ခုနှစ်မှာ ဝင်းဖေက အနားယူပါတယ်။ အနားယူပြီးတော့ ခဏနေတဲ့အခါမှာ ဒီဝင်းဖေ အနားယူ မှန်းသိ...