𝐖𝐨𝐖 𝐄𝐩𝐮𝐛 𝐊𝐟𝐱

ရူမေနီးယား ပန်းပုဆရာ ကွန်စတန်တင် ဘရန်စူစီ၏ လက်ရာ အာရဘီ ARABY ဘုန်းမြင့် (မန္တလေး) “နော့သ်ရစ်ချ်မွန်လမ်း”သည် တစ်ဖက်ပိတ်လမ်းဖြစ်၍ ခရစ်ယာန် ညီနောင်ကျောင်း ကျောင်းဆင်းချိန်မှတစ်ပါး တိတ်တိတ်ဆိတ်ဆိတ် ရှိသောလမ်း ဖြစ်သည်။ လူမနေသော နှစ်ထပ်တိုက် တစ်လုံးမှာ တစ်ဖက်ပိတ် လမ်းအဆုံး၌ တည်ရှိပြီး၊ လေးထောင့်စပ်စပ် ခြံဝင်းက တခြားအိမ်များနှင့် အလှမ်း ကွာစေသည်။ လမ်းထဲရှိ တခြားအိမ်များသည် အတွင်း၌ သပ်သပ်ရပ်ရပ် နေထိုင်သူများ ရှိနေခဲ့မှန်းသိ၍၊ ဣန္ဒြေကြီးလှသော ညိုတိုတို တိုက်မျက်နှာစာကြီးများဖြင့် တစ်တိုက်နှင့် တစ်တိုက် ကြည့်နေခဲ့ကြသည်။ ကျွန်တော်တို့ အိမ်ခန်းတွင် အလျင်က နေထိုင်သွားခဲ့သော ဘုန်းကြီးသည် အိမ်နောက်ခန်းထဲမှာပင် ကွယ်လွန် သွားခဲ့သည်။ ပိတ်ထားခဲ့သည်မှာ ကြာပြီဖြစ်၍ အခန်းတိုင်းတွင် မှိုနံ့ရနေပြီး၊ မီးဖိုခန်းနောက်ရှိ ပစ္စည်းဟောင်းများ သိမ်းသော အခန်းထဲ၌ စက္ကူစုတ်များ ပြန့်ကျဲနေခဲ့သည်။ ထိုအမှိုက်များ ကြားထဲမှ အစိုဓာတ်ရိုက်ပြီး စက္ကူများ လန်တက် နေသော စာအုပ်အချို့ကို တွေ့ရသည်။ “သည်ကွန်မြူနီဆင်”၊ “သည်မိမွိုင်းအော့ဖ်ဗိုင်ဒေါ့” နှင့် ဆာဝေါ်လတာ စကော့၏ “သည်အက်ဘော့” တို့ ဖြစ်ကြသည်။ “သည် မိမွိုင်းအော့ဖ် ဗိုင်ဒေါ့” စာအု...

ဗိုက်ကင်းစာအုပ်တိုက်ထုတ် “ဒဗ္ဗလင်မြို့သားများ” စာအုပ်မှ- ရင်ဆိုင်တွေ့ရာဝယ် AN ENCOUNTER ဘုန်းမြင့် (မန္တလေး) ကျွန်တော်တို့အား ဝိုင်းလ်ဝက်စ်နှင့် စတင်မိတ်ဆက်ပေးသူ မှာ ဂျိုးဒီလ်လုံ ဖြစ်သည်။ “သည်ယူနီယံဂျက်”၊ “လခ်” နှင့် “သည်ဟက်ဖ်ပဲနိမာဗယ်” စသည့် စာအုပ်ဟောင်းများ စုဆောင်းထားသော စာကြည့်တိုက်ကလေး သူ့တွင် ရှိနေခဲ့သည်။ ညနေ ကျောင်းဆင်းလျှင် သူတို့အိမ်နောက်ဖေးရှိဥယျာဉ်ထဲတွင် ကျွန်တော်တို့ နေ့တိုင်းဆုံမိကြပြီး လူနီ စစ်ပွဲတိုက်တမ်း ကစားခဲ့ကြသည်။ သူနှင့် သူ့ညီ ခပ်ဝဝ ငပျင်းလီယိုတို့က မြင်းဇောင်းထဲမှ ခုခံစဉ် ကျွန်တော်တို့က တရစပ် ဝိုင်းဝန်း တိုက်ခိုက်ခဲ့ကြသည်။ သို့မဟုတ်ပါက ကျွန်တော်တို့သည် မြက်ခင်းပေါ်တွင် စစ်တိုက်ခဲ့ကြသည်။ သို့သော် ကျွန်တော်တို့ မည်သို့ပင် တိုက်ခိုက်ခဲ့စေကာမူ ဝိုင်းဝန်းပိတ်ဆို့ရာမှာရော၊ စစ်ပွဲ၌ပါ မည်သည့်အခါမှ အနိုင် မရ ခဲ့ကြပေ။ ကျွန်တော်တို့၏ တိုက်ခိုက်မှုများကို ဂျိုးဒီလ်လုံ၏ စစ်အောင်ပွဲ အထိမ်းအမှတ်အကဖြင့် အဆုံးသတ်ခဲ့ကြသည်။ သူ့မိဘများသည် ဂါးဒင်းနားလမ်းရှိ ဘုရားကျောင်း၏ မနက် ရှစ်နာရီ ဝတ်ပြုပွဲသို့ နေ့တိုင်း တက်ရောက်ကြသည်။ အိမ်ဦးခန်း တွင် မစ္စက်ဒီလ်လုံ၏ တည်ငြိမ်အေးချမ်းမှု ရနံ့သာ လွှမ...

  ဘုန်းမြင့် [မန္တလေး] [မြန်မာပြန်သည်] ဖအေနှင့် သား Fathers and Sons Ivan Turgenev Review By  Wilhelm Volkov